Si Bicol #301, sarong 52 anyos na lalaki, taga Quezon City, alagad yaon ngonian sa banwaan nin Tigaon. Siya asymptomatic asin isolated ngonian sa satong Municipal Quarantine Facility.Nag abot si Bicol #301 hali nin Quezon City kan Hulyo 14, 2020. Siya nagsairarum sa Swab Test kan nakaaging Lunes, Hulyo 20, 2020. Kaibahan man ang limang direct contact ni Bicol #301 sa quarantine facility na saindang kinakamugtakan sa ngonian kaya dae kaipuhan na magpautob nin lockdown.Nakikiulay po kami kaibahan an buong opisyal asin pagiriba kan Municipal Inter-Agency Task Force (MIATF) sa gabos na mga taga-Tigaon na iwasan na muna an pagluwas sa saindong mga harong kun dai sana man kinakaipuhan. Ugalion ta an paghugas nin kamot pirmi, an social distancing, tamang pag-abo asin paggamit pirmi nin face mask. Hinahagad mi sa gabos na maging mahinahon kita, maki-kooperar, asin mangadyi sa Mahal na Diyos na malalampasan ta ang krisis na ini.Padagos na mag-halat nin mga update sa satong opisyal na Facebook account para sa iba pang mga anunsyo.Magtarabangan po kita.Diyos an magbalos sa satong gabos.

#AlertoAsinAktibo

#WeHealAsOne

#LetsFightCovid19